#liburuak #garraioak | Errepideen planifikazioa eta kudeaketa

Errepideen planifikazioa eta kudeaketa / Itziar Gurrutxaga Gurrutxaga , Usue Oses Orbegozo

Elhuyar Kultur Elkartea, Usurbil : 2011

258 or. : ir.

Bilduma: Unibertsitatea

ISBN 9788492457601

Gaiak:

Carreteras -- Diseño y construcción

Tráfico urbano

Biblioteka Sbc Ikaskuntza A-625.7 ERR

OPAC Millennium

Garraio-jarduerari esker, pertsonak eta salgaiak leku batetik bestera eraman daitezke. Lurrez, airez edo itsasoz egin daiteke, eta, horretarako, auto pribatua, autobusa, kamioia, trena, hegazkina, itsasontzia eta abar ditugu.

Garraio-jarduerak azpiegiturak behar ditu (errepideak, autobideak, autobiak, airepor­tuak, trenbideak eta kaiak). Gainera, garraio-mota bakoitzak bere azpiegitura behar du.

Gaur egungo garraioa azkarra dela kontsidera dezakegu, garraia dezakeen kantitatea, tonatan neurtua, handia da, eta, gainera, garraiatzen duen salgaiari egokituta dago (izozkailu-kamioia, erregaia garraiatzen duten kamioiak…). Bestalde, autonomoa, erosoa eta segurua da.

Garraio-sareak hiri garrantzitsuekin bat egiten duten ardatzez eta lineaz osatuta daude. Gehienetan, hirigune handietatik urrun dauden landa-eremuetan komunikazio-ardatz bakanduak egoten dira, eta haien egitura errepide xume bat izaten da. Zenbat eta gertuago egon hirigune garrantzitsutik, sareak gehiago egituratzen eta zailtzen dira; eta hirietan linea ugari topatzen ditugu. Herrialde txiroetan, aldiz, ez da gauza bera gertatzen; horrelakoetan, populazio handia duen hiri bateko sarea ez da egoten batere egituratua.

Errepide bidezko garraioa batez ere erabiltzen da gertu edo ez oso urruti eraman behar diren pertsonak eta salgai industrialak garraiatzeko. Jarduera honek duen abantailetako bat da ordutegi malgua duela eta pertsonak eta salgaiak zuzenean heltzen direla behar den tokira. Bestalde, desabantailak ere baditu; adibidez, ez du zama-ahalmen handirik eta gertu dauden hiri eta herrialdeen artean egiten da. Gainera, garraio-mota honek handitu egiten du errepideetako zirkulazioa, eta istripuak izateko arriskua handia izaten da. Horrez gain, oso kutsatzailea da.

Herrialde bateko garapen-maila garraio-azpiegituren bidez neur daiteke; kasu horretan, errepideak mailarik oinarrizkoenak dira. Herrialde aberatsetan, bizitzeko egokiak diren ia txoko guztietara heltzen diren errepide zolatuak daude. Herrialde txiroetan, aldiz, sarea eskasa izaten da, eta ez dago ondo egokituta, autoa ondasun garestia baita.

Estekak

Elhuyar | Errepideen planifikazioa eta kudeaketa